يحيا الزعيم

نظراً لأن النعمة فاقت حدها
ولأننا مش قدها
ولأن فعلاً انجازاتك
فوق طاقتنا نعدها
ولأننا غرقنا ف جمايل
مستحيل هنردها
نستحلفك..نسترحمك
نستعطفك..نستكرمك
ترحمنا من طلعة جنابك حبتين
عايزين نجرب خلقة تانية ولو يومين
اسمع بقي:
إحنا زهقنا من النعيم
ونفسنا ف يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
ده شعب فقري مايستحقش
جنتك
أنا عارف ، شعب ماينفعوش
إلا شارون وبلير وبوش
عايز يجرب الامتهان
ويعيش عميل للامريكان
بيمد غازه لاسرائيل
ويومين كمان ويمد نيل
أهو يعني نشرب مية واحدة
ندوب ف بعض
ماء وماء وماء
ونفض سيرة الانتماء
وبلاها نعرة وطنطنة
تبقي البلاد "مستوطنة"
متسلطنة بالسرطنة
إيه اللي خدناه م الكرامة والإباء
حبة خطب وكلام كلام
إحنا راهنا علي النظام
ورضينا بخيار السلام
بخيار
حنسد عين الشمس بيه
علشان ميطلعش النهار
يطلع لمين؟؟!
حبة معارضة مغرضين
وحسب بيان السلطة
شلة مأجورين
ياعم فضك سيرة
وارضي بقسمتك
ده شعب مش فاهم اكيد
يلا اطرده من رحمتك
وان كنت غاوي الحكم
خليك مطرحك
هغطس واقب واعود
بشعب يريحك
راضي وعمره مايجرحك
أخرس وما بيسمعش
واعميلك عنيه
مش كل قرش يبص فيه
ما يقولش لأه وفين وليه
يضرب ينفض في السليم
وعلي الصراط المستقيم
كل اللي يعرف ينطقه
عاش الزعيم
يحيا الزعيم

منقول

والله يااخي ابوجبريل هذه قصيدة مرتبة
والله يازعيم كفاية
بارك الله فيك

هههههههه شر البلية ما يضحك و الله يا ابو عبد الرحمن ... مشكووور على مرورك

صح لسان ناظم هذه القصيدة بارك الله فيك
اخي الكريم نقل موفق الله يعطيك العافية
ودي وتقديري لك

السلام عليكم ورحمة الله وبركاته
أسعدني مرورك اخي الكريم و لقد علمت من أخي ابو عبد الله انك من السودان و أنا اعرف أن السودان اخرج شعراء فحول مثل الهادي آدم صاحب قصيدة أغداً ألقاك فهلا اتحفتنا ببعض اشعارهم

غالي والطلب رخيص اخي الحبيب المجاهد
ودعني ارتب اوراقي وسوف اتأيك بما تحب
وسوف اتيك بما احب وسوف اتيك بالاضافة
الي الهادي ادم ببعض قصائد الرائع مصطفي
سند
مشكور اخي الفاضل المجاهد علي هذا الاهتمام
الصادق بورك فيك ودي وتقديري لك