 
✶━══❉🌄 ﷽ 🌄❉ ══━✶
رحــــلة الحجـــــيج
الـــــ7⃣ــــــدرس
•~✶═ ❉~• 🕋 •~❉ ━✶~•
الحمــد لـله رب العـالمــين ، وأصـلي وأسـلم على عبـد الـله ورسـوله محمــد وعلى آلـه وأصحــابه أجمعـــين .
وأشهــد أن لا إلـه إلا الـله وحـده لا شـريك لـه وأشهــد أن محمــد عبـده ورسـوله . أمـا بعـــد ؛
🌄 حجاج بيت الله الحرام :
مرحبا بكم في منى ..
مرحبا بكم في يوم التروية .
🕋 واليوم سننبه على بعض مظاهر الرياء لكي يحذرها إخواننا الفضلاء ..
بعض الناس تفعلها عن حسن نية وبدون قصد .
🔲 لكن العلماء يقولون :
هي من مظاهر الرياء ...
🐫 أولا : تعليق الرايات البيض على السيارة التي توصل الحاج إلى الميناء أو المطار ..
(هات يا واد رايات بيض وحط على السيارة وتمشي هذه السيارة ليعلم كل من تمر عليه هذه السيارة أن بها حاجًا )
(( هذا نوع من أنواع الرياء ))
❓ انت عايز الناس تعرف أنك حاج ليه ؟❓ عايز تحط رايات وأعلام ليه ؟
❓ أنت عايز تحج لمين بالضبط ؟
《《《 لله 》》》
إذن الرايات دي ملهاش لازمة .
🐫 ثانيا : من مظاهر الرياء توديع الحاج بألأغاني والموسيقى ..
في بعض البلاد يجهز فرقة تودعه حتى من البيت إلى الكوبري .
🌴 يعني ماشي من وسط البلد ويغنوا له ( يا حاج حج مبرور وذنب مغفور )
ويطبلوا ويصفقوا ويغنوا بالموسيقى لحد ما يوصلوا ، والناس كلها تشوف وهو مبسوط .
إحنا بنزف عريس ولا إيه ؟؟؟؟
🕋 أنت ذاهب إلى عبادة ..
ينبغي أن تخفي العبادة لله .
🕋 خلي بالكم يا إخواننا ..
الحج ده زي الصلاة كلما كانت مخفية كلما كان أجرها أعظم .
🌤 " سبعة يظلهم الله في ظله يوم لا ظل إلا ظله "
وذكر منهم : ورجل تصدق بصدقة فأخفاها حتى لا تعلم شماله ما أنفقت يمينه .
🕋 إذن لا بد للمسلم الذي يريد الإخلاص أن يحاول إخفاء هذه العبادة ويعملها .
🐫 النوع الثالث من أنواع الرياء :
تبييض البيت والكتابة عليه حج
( مبرور وذنب مغفور )
وبعض الناس يبيض البيت ويعمل عليه سفينة أو طيارة .
علشان يعرف الناس أنه حج .
(( هذا نوع من أنواع الرياء ))
🎋 ويتصل بالتليفون يا ابني خلاص إحنا حاجزين فاضل لنا ثلاث أيام ..
بيضت البيت ولا لسة ؟
كتبت عليه حج مبرور ؟
هندخل على البيت كده من غير ما يتبيض ؟
ما هذا ؟؟؟
(( هذا نوع من أنواع الرياء لا يجوز ))
قلنا بأنها عبادة وإخفاؤها أفضل .
🐫 رابعا : الغضب إذا لم يقال له يا حاج ..
كما نبهنا قبل ذلك .
🐫 خامسا : التحدث عن طاعته لزملائه أو إلى رجل .
هذه مسألة مهمة ننبه عليها ونؤكد عليها جيدا ..
🎋 بعض الناس يقعد يقول الحمد لله ليلة إمبارح رحنا الحرم وقمنا الليل من الساعة اثنين لحد الفجر وصلينا لله عز وجل .
❓ أنت بتصلي لمين ؟
《《《 لله 》》》
اِخفِ العبادة ، ينبغي أن تخفيها ..
إنما تتحدث عن هذه العبادات للناس ؟
( لا ) خالص ..
حتى لو لم تقصد الرياء فإنها خرجت من ديوان السر إلى ديوان العلانية ..
وديوان السر أعظم أجرا وأكثر نفعا من ديوان العلانية .
🎋 وبعض الناس يروح يقول الحمد لله أنا في أيام الحج كنت كل يوم أقرأ عشرة أجزاء .
🎋 وبعض الناس يقول إيه :
يا سلام ده أنت لو سمعت إمام الحرم كان صوته جميل كان بيبكينا كلنا والله كنا بنبكي .
🌴 المهم الخلاصة عايز يعرفك إنه إيه بكي ..
بس جايبها يعني ملفوفة كده ، لاففها في سيلوفان علشان منقولش ..
يعني الراجل مُرائي .
( لا ) حتى لو بكيت وخشعت ، يكون ذلك سرا بينك وبين الله ..
خلي بينك وبين ربنا أسرار . لا تفشي سرك للناس لكي ترى هذه الأعمال مضيئة في ميزان حسناتك يوم القيامة .
☝️ اللهم إنّا نسألك القرب .
🐫 سادسا : التصوير في المشاعر للذكرى .
🎋 بعض الناس يأخذ صورة في عرفة وهو بملابس الإحرام ..
يقف كده ويقول امسك الكاميرا ارفع يدك فوق سبل عينيك حاول تغمض ابكِ خليك خاشع علشان الصورة تطلع خاشعة علشان هنعلقها في المسجد علشان كل اللي ييجي يقوله يا سلام يا حاج يا سلام أنت حجيت !!!
يقول له : أيوة يا بني ؛ ده إحنا حجينا ورجعنا .
🎋 طيب يا حاج يعملها بقى تلات أربع صور ..
صورة في المجلس .
وصورة في أوضة النوم .
ويدي لزملائه كل واحد صورة .
وصورة عند خاله وخالته وعمه وعمته كل ده منافي للإخلاص .
(( وهذا من مظاهر الرياء ))
أنت تحج 《《《 لله 》》》
🎋 وهذا يذكرني ببعض الناس عندنا في مصر أكرمكم الله لما يتزوج اللي لسه شباب كده يقوم لما يتزوج يتصور هو وزوجته ، هو والعروسة ..
حاطط ذراعه عليها ويتصور .
وتحط ذراعها عليه ويتصور .
ويمسك دماغها ويتصور .
المهم شوية صور .
❓ والآخر يحطوها فين ؟
في أوضة الصالون ، كل ما ييجي واحد يزوره علشان يجلس في المجلس وهو معلق صورته هو والعروسة ..
فالراجل جه جلس خلى الصورة بعد ظهره.
يقوله: أصل الكرسي ده مكسور تعالى هنا .
وبعدين يقول : إيه رأيك أنا عرفت أنقي وأختار ما هي العروسة بقى صورتها . يقوله : آه .. ما هو الحمار زي الجاموسة
|