استخدم محرك جوجل للبحث في الملتقى

 

الرئيسية التسجيل البحث الرسائل طلب كود التفعيل تفعيل العضوية استعادة كلمة المرور
facebook facebook twetter twetter twetter twetter

المناسبات


   
العودة   ملتقى أحبة القرآن > ۩ الحـــوار العـــــــام ۩ > ملتقى الحوار الإسلامي العام
ملتقى الحوار الإسلامي العام الموضوعات و الحوارات والمعلومات العامة وكل ما ليس له قسم خاص
 

   
الملاحظات
 

 
   
 
أدوات الموضوع انواع عرض الموضوع
 
قديم 02-22-2026, 01:04 AM   #1
مشرفة قسم القرآن


الصورة الرمزية امانى يسرى محمد
 
الملف الشخصي:






 


تقييم العضو:
معدل تقييم المستوى: 76

امانى يسرى محمد is a glorious beacon of lightامانى يسرى محمد is a glorious beacon of lightامانى يسرى محمد is a glorious beacon of lightامانى يسرى محمد is a glorious beacon of lightامانى يسرى محمد is a glorious beacon of lightامانى يسرى محمد is a glorious beacon of light

افتراضي تعالى نفهم رمضان - توأم رمضان (عمرو عبد الجليل واخوه التوأم الشيخ ايمن)

      




- توأم رمضان1





** في برنامج يجمع عمرو عبد الجليل واخوه التوأم الشيخ ايمن**


عمرو عبد الجليل: أحب أعرفكم بأخويا التوأم اللي أنا تقريباً ماعرفوش، لأننا بقالنا سنين كبيرة جداً ما بنقابلش بعض ، هو مسافر بره مصر، وأنا اكتشفت إن أنا ماعرفوش فعلاً ،، فاكتشفت إن أنا وهو بعيد عن بعض، فجايبه النهارده بقى جايبله شوية أسئلة كده من الناس إن شاء الله نتعرف عليه ويرد على الأسئلة دي.

الشيخ أيمن: عليكم السلام ورحمة الله وبركاته.. رمضان كريم إن شاء الله بإذن الله تعالى.



عمرو عبد الجليل: الله أكرم.. السؤال بقى، هو فعلاً رمضان كريم؟

الشيخ أيمن: أكيد طبعاً 100%.






عمرو عبدالجليل: طب إيه بقى.. يعني إيه اللي يفرق الشهر ده عن بقية شهور السنة؟

الشيخ أيمن: يفرق إنه الوحيد اللي في الشهور كلها كريم، وكريم معناها إنه يتميز عن جميع أقرانه بجميع صفات الكمال. الرسول عليه الصلاة والسلام قال: "من صام رمضان إيماناً واحتساباً غفر له ما تقدم من ذنبه".. كل ذنوبك كلها، 40 سنة، 50 سنة، 100 سنة، تصوم بس الشهر ده وعمل بسيط جداً يقدر عليه الطفل الصغير والراجل العجوز.. فبس صوم الشهر ده، عمل بسيط جداً يغفر ذنبك كله بفضل الله عز وجل. ومن قام رمضان إيماناً واحتساباً غُفر له ما تقدم من ذنبه.. ومن قام ليلة القدر لوحدها إيماناً واحتساباً غُفر له ما تقدم من ذنبه. الله سبحانه وتعالى بيعرض عليك التوبة والمغفرة والرحمة ببلاش، وقد تُعتق من النار في هذا الشهر الكريم، ولله عز وجل في كل ليلة عتقاء من النار.



عمرو عبد الجليل: وإيه كمان بيميزه؟


الشيخ أيمن: إذا كان أول ليلة من ليالي رمضان فُتحت أبواب الجنان فلم يُغلق منها باب، وغُلقت أبواب النيران فلم يُفتح منها باب، وصُفدت الشياطين. أنت مشكلتك في حياتك الإيمانية تلات حاجات: الشياطين (وده اتكتف)، والنفس الأمارة بالسوء (والصيام بيكسرها)، وأصدقاء السوء (وفي رمضان الصاحب ده بيبقى صايم وبيعمل خير فالمجتمع كله بيبقى في اتجاه واحد). فإنت بس سيب إيدك في الوقت ده وامشي معاهم في التيار تعتق من النار.

عمرو عبد الجليل: طب ليه اللي مابيتغفرلوش في رمضان بيدعى عليه؟

الشيخ أيمن: النبي عليه الصلاة والسلام طلع المنبر وقال "آمين" تلات مرات، ولما سألوه قال إن جبريل جاله وقاله: "يا محمد، من أدرك رمضان ولم يُغفر له فمات فدخل النار فأبعده الله، قل آمين"، فقال آمين. الدعاء ده مستجاب مليون في المية، وليه العقاب كده؟ لأن رمضان فرصة عظيمة، ولو عدى عليك وأنت ما اتغفرلكش يبقى أنت اللي ضيعت نفسك، لأنك بتذنب من غير دافع؛ شيطانك متكتف ونفسك مكسورة وصديق السوء بيعمل خير، فإنت ليه بتعصى ربنا في الوقت ده؟


عمرو عبد الجليل: طب كلمنا بقى عن المفطرات في رمضان إيه هي؟


الشيخ أيمن: أي شيء يُؤكل أو يُشرب بيدخل من الفم، أو ما يقوم مقامهم زي الإبر المغذية. وطبعاً الجماع في نهار رمضان دي كبيرة وكفارتها مغلظة جداً. ولو الإنسان تقيأ متعمد يفطر، والحجامة كمان بتفطر.

عمرو عبد الجليل: والكذب في رمضان ما يفطرش؟

الشيخ أيمن: لا ما يفطرش، لكن طبعاً دي معصية وهياخد عليها ذنب وهتقلل من أجره، لكن مش من المفطرات.



عمرو عبد الجليل: طب كلمنا عن حال المسلم في رمضان.


الشيخ أيمن: حال المسلم إنه يكون داخل رمضان عارف إنه مقبل على شهر ما ينفعش إنه ما يُعتقش فيه من النار، وما ينفعش ما يُغفرلوش فيه ذنبه. ربنا بيعتق في رمضان كل ليلة بدون عدد محدود، وفي آخر ليلة بيعتق قد اللي أعتقهم في رمضان كله، فاللي يضيع فرصة زي دي يستحق اللي يجراله.

عمرو عبد الجليل: طب دلوقتي واحد صام رمضان وقام.. إزاي يستمر بعد رمضان على العبادة؟

الشيخ أيمن: دي مسألة أوتوماتيكية، لو فعلاً صام وقام حق الصيام فروحانياته هتعلى وهيدوق طعم الإيمان، واللي بيدوق طعم الإيمان لا يمكن يعرف يستغنى عنه. لو صام بجد وقرأ قرآن بجد هيوصل لدرجة إيمانية مكنش واصلها قبل كده وهيمسك فيها بإيده وأسنانه.



يتبع

اثبت وجودك .. تقرأ وترحل شارك معنا برد أو بموضوع

امانى يسرى محمد متواجد حالياً   رد مع اقتباس
 
   
الكلمات الدلالية (Tags)
تعالى, توأم, رمضان, نفهم
 

   
الذين يشاهدون محتوى الموضوع الآن : 2 ( الأعضاء 0 والزوار 2)
 
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
_مصحف عبد الجميل غلاب 30 سورة من تراويح رمضان عام 1423 الحج الحج ملتقى القرآن الكريم وعلومه 1 09-18-2017 05:24 PM
__مصحف عبد الجميل غلاب المراكشي 31 سورة من تراويح رمضان عام 1428 الحج الحج ملتقى القرآن الكريم وعلومه 1 09-18-2017 05:05 PM
مصحف عبد الجميل غلاب المراكشي 10 سورة من تراويح رمضان عام 1427 الحج الحج ملتقى القرآن الكريم وعلومه 1 09-18-2017 04:56 PM
خطبة رمضان بين الغيب والشهادة. الشيخ: فؤاد أبو سعيد حفظه الله تعالى أسامة خضر قسم فضيلة الشيخ فؤاد ابو سعيد حفظه الله 4 08-03-2011 11:25 PM
من شعبان إلى رمضان. الشيخ: فؤاد أبو سعيد حفظه الله تعالى أسامة خضر قسم فضيلة الشيخ فؤاد ابو سعيد حفظه الله 4 07-23-2011 10:48 PM


   
 

vBulletin® v3.8.7, Copyright ©, TranZ by Almuhajir
جميع الحقوق محفوظة لموقع العودة الإسلامي
vEhdaa 1.1 by NLP ©2009