تعالى نفهم رمضان - توأم رمضان (عمرو عبد الجليل واخوه التوأم الشيخ ايمن)

الزكاة - توأم رمضان 12

بتروحي للصايغ تدي له دهبك القديم وتدفعي الفرق وتاخدي دهب جديد وتفرحي بيه؟ يا فرحة ما تمت.. إنتي كده وقعتي في فخ "الربا" الصريح

سؤال المذيع "عمرو عبدالجليل":
: في واحدة بتقول إن عندها دهب قديم حوالي 22 جرام، وعايزة تدخله في غويشة أو إسورة 25 جرام.. إيه رأيك؟
رد الشيخ "أيمن عبدالجليل": = : اللفظ ده عجيب وخطير جداً! دي نقطة معظم المصريين، وخصوصاً الستات، واقعين فيها وهي تبديل الذهب بالذهب مع دفع الفرق. الرسول عليه الصلاة والسلام حدد أصناف ربوية منها الذهب، وقال: "الذهب بالذهب.. يداً بيد وسواء بسواء، فمن زاد أو استزاد فقد أربى". يعني لو هتبدل ذهب بذهب، لازم يكون نفس الجرامات بالظبط (22 جرام بـ 22 جرام) والتسليم في نفس الوقت في المجلس. طبعاً الصايغ مستحيل يوافق يديكي 22 جرام جديد بـ 22 جرام قديم من غير مصنعية وفرق، طب إيه الحل الشرعي عشان نهرب من الربا؟ الحل الوحيد إنك "تبيعي" الذهب القديم بتاعك للصايغ وتاخدي الفلوس في إيدك، وبعدين "تخرجي" من المحل تماماً عشان البيعة الأولى تتم شرعاً (عملاً بحديث: البيعان بالخيار ما لم يتفرقا). وبعدين ترجعي تدخلي المحل تاني كأنك زبونة جديدة وتشتري الذهب الجديد اللي إنتي عايزاه بالفلوس اللي معاكي. ما ينفعش تبدلي ذهب بذهب وتدفعي فرق، أو تعملي بيعتين في بيعة واحدة. الكلام ده مطبق في دول زي السعودية والناس هناك فاهماه، بس هنا في مصر الجهل بيه منتشر جداً، وده ربا صريح ولازم نحترس منه!
نصيحة البوست: "الجهل بأحكام البيع والشراء قد يوقعك في كبائر الذنوب كالربا وأنت لا تدري.. فتفقّه في دينك تنجُ بمالك وآخرتك.

ايمن عبد الجليل : لو جيت جيبتك كده قصادي وقولتلك دول 10 شنط وقولتلك واحدة منهم فيها 100 مليون دولار
هل هتختار واحدة بس وتفتحها وتطلع هي او لا مش مهم؟
ولا هتفتحهم كلهم؟ طبعا هتقولي هفتحهم كلهم هي دي فيها هزار،

طب اي رأيك بقى أن عشر ليالي كل ليلة فيهم والله اغلي وافضل من الدنيا وما عليها مش بس الشنط

وفيهم ليلة لو فوزت بيها كأنك في عبادة أكتر من 84 سنة،
هل هتختار ليلة واحدة وتقول انا بخمن ان دي ليلة القدر وتصلي فيها وتقرأ قرآن ولا هتجتهد في كل الليالي علشان تكون ضمنت أنك فوزت بيها إن شاء الله؟

براحتك بقى هي ليلة واحدة بس







بتوزع فلوسك على الشحاتين في الشارع وفاكر إنك كده بتطلع زكاتك وربنا هيتقبل؟ للأسف زكاتك دي أصلاً متقبلتش ولسه دين في رقبتك!

عمرو عبدالجليل: إيه الفرق بين الزكاة والصدقة؟ وهل لما أتصدق على حد في الشارع تعتبر زكاة؟


رد الشيخ "أيمن عبدالجليل"الزكاة طبعاً ركن من أركان الإسلام وتجب على كل إنسان توفرت فيه الشروط، أما الصدقة فهي سنة ونافلة، اللي يشاء يعملها ياخد أجر عظيم، واللي ما يعملهاش مفيش عليه إثم لأنها مش واجبة. بالنسبة لسؤالك عن الحد اللي في الشارع، دي مشكلة كبيرة! إنت بتشوف مسكين بتديله فلوس وتعتبرها زكاة، لكن الزكاة بالذات ليها 8 أصناف مذكورين في القرآن لازم تُصرف ليهم حصراً. لو الحد اللي في الشارع ده فعلاً من الأصناف التمانية وإديته فلوس، فدي إن شاء الله تجزئك. لكن لو ما كانش من الأصناف التمانية، لا تجزئك أبداً وتعتبر لسه الزكاة عليك وموقعتش عنك. وكمان لازم تاخد بالك من نقطة مهمة: لو هو مش من الأصناف التمانية وإديتله حاجة غير الفلوس (زي أكل أو لبس) دي لا تجزئك كزكاة، لأن زكاة المال لازم تطلع مال متطلعش حاجة تانية.
نصيحة البوست: "النية الطيبة وحدها لا تكفي إن لم توافق شرع الله، فاعرف مصارف زكاتك الحقيقية لتبرئ ذمتك، فالزكاة حق الله في مالك، وليست مجرد إحسان عابر."




واحد فقير تماماً ونفسه يبقى مليونير،

فقال لك هو المليونير عليه زكاة مال قد إيه؟ قد كدة يعني 25 ألف..
قال لك خلاص أنا هطلع زكاة الـ 25 ألف وإن شاء الله ربنا يرزقني المليون. عمل كدة سبحان الله ما عداش الحول السنة إلا لما كان جاله المليون!
راح مطلع زكاة 2 مليون جاله الـ 2 مليون.. ماشي بالشكل ده عجيب، ماشي بالعكس بس سبحان الله ظبطت معاه. أنا ما بقولش الناس تعمل كدة، ده إنسان عنده يقين عالي جداً جداً إنه هيقدم الزكاة المال مش عنده وعلى يقين إن ربنا هيدي له المال ده، ما إحنا ما أمرناش بكدة ولا ده من السنة، إنما الراجل ده عمل الحكاية دي ونفعت معاه لأن يقينه على الله عز وجل 100% وده اللي نفع.
فابشر خير وطلع الزكاة اللي عليك واستبشر تماماً بالخير لأن ربنا لا يمكن يضيع أجر من أحسن عملاً، لابد ربنا يحسن إليك أكثر من عملك مليارات المرات.

الاستخارة - توأم رمضان 13

المفاهيم الخاطئة حول صلاة الإستخارة

وهناك بعض المفاهيم الخاطئة لصلاة الاستخارة

كما ذكرها الدكتور محمد بن عبد العزيز المسند:

اعتقاد بعض الناس أنّ صلاة الاستخارة إنّما تُشرع عند التردد بين أمرين، وهذا غير صحيح، لقوله في الحديث: ( إذا همّ أحدكم بالأمر..).ولم يقل ( إذا تردد )، والهمّ مرتبة تسبق العزم، كما قال الناظم مبيّناً مراتب القصد:مراتب القصد خمس: (هاجس) ذكروا فـ (خاطر)، فـ (حديث النفس) فاستمعايليه (همّ) فـ (عزم) كلها، رُفعتْ سوى الأخير ففيه الأخذ قــد وقعافإذا أراد المسلم أن يقوم بعمل، وليس أمامه سوى خيار واحد فقط قد همّ بفعله، فليستخر الله على الفعل ثم ليقدم عليه، فإن كان قد همّ بتركه فليستخر على الترك، أمّا إن كان أمامه عدّة خيارات، فعليه أوّلاً ـ بعد أن يستشير من يثق به من أهل العلم والاختصاص ـ أن يحدّد خياراً واحداً فقط من هذه الخيارات، فإذا همّ بفعله، قدّم بين يدي ذلك الاستخارة.

اعتقاد بعض الناس أنّ الاستخارة لا تشرع إلا في أمور معيّنة، كالزواج والسفر ونحو ذلك، أو في الأمور الكبيرة ذات الشأن العظيم، وهذا اعتقاد غير صحيح، لقول الراوي في الحديث: (كان يعلّمنا الاستخارة في الأمور كلّها..).ولم يقل: في بعض الأمور أو في الأمور الكبيرة، وهذا الاعتقاد جعل كثيراً من الناس يزهدون في صلاة الاستخارة في أمور قد يرونها صغيرة أو حقيرة أو ليست ذات بال؛ ويكون لها أثر كبير في حياتهم.

اعتقاد بعض الناس أنّ صلاة الاستخارة لا بدّ لها من ركعتين خاصّتين،وهذا غير صحيح، لقوله في الحديث: (فليركع ركعتين من غير الفريضة..).فقوله: “من غير الفريضة” عامّ فيشمل تحيّة المسجد والسنن الرواتب وصلاة الضحى وسنّة الوضوء وغير ذلك من النوافل، فبالإمكان جعل إحدى هذه النوافل ـ مع بقاء نيتها ـ للاستخارة، وهذه إحدى صور تداخل العبادات، وذلك حين تكون إحدى العبادتين غير مقصودة لذاتها كصلاة الاستخارة، فتجزيء عنها غيرها من النوافل المقصودة.

اعتقاد بعض الناس أنّه لا بد من انشراح الصدر للفعل بعد الاستخارة،وهذا لا دليل عليه، لأنّ حقيقة الاستخارة تفويض الأمر لله، حتّى وإن كان العبد كارهاً لهذا الأمر، والله عز وجل يقول: “وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ” }البقرة:216{.وهذا الاعتقاد جعل كثيراً من الناس في حيرة وتردد حتى بعد الاستخارة، وربّما كرّر الاستخارة مرّات فلا يزداد إلا حيرة وتردّداً، لا سيما إذا لم يكن منشرح الصدر للفعل الذي استخار له، والاستخارة إنّما شرعت لإزالة مثل هذا التردد والاضطراب والحيرة.وهناك اعتقاد أنه لابد من شعور بالراحة أو عدمها بعد صلاة الاستخارة وهذا غير صحيح فربما يعتري المرء شعور بأحدهما وربما لا ينتابه أي شعور فلا يردده ذلك بل الصحيح أن الله يسير له ما أختاره له من أمر ويتمه.

اعتقاد بعض الناس أنّه لا بدّ أن يرى رؤيا بعد الاستخارة تدله على الصواب، وربّما توقّف عنالإقدام على العمل بعد الاستخارة انتظاراً للرؤيا، وهذا الاعتقاد لا دليل عليه، بل الواجب على العبد بعد الاستخارة أن يبادر إلى العمل مفوّضاً الأمر إلى الله كما سبق، فإن رأى رؤيا صالحة تبيّن له الصواب، فذلك نور على نور، وإلا فلا ينبغي له انتظار ذلك.

اسلام اون لاين

بتدعي ربنا يقربلك اللي بتحبه حتى لو فيه هلاكك وعذابك؟ طب ما تدعي بالخير وتقول يا رب لو شر ابعده عني واصرف قلبي عنه عشان ماتتعذبش!

المذيع عمرو عبدالجليل: طيب إزاي نستخير ربنا وندعي نقول إيه بالظبط؟
= : الشيخ أيمن عبدالجليل: بتصلي ركعتين من دون الفريضة (يعني غير الفرائض المطلوبة مننا)، تصلي ركعتين اتنين بما شئت من قرآن، غالباً الناس بتصلي بالفاتحة و(قل يا أيها الكافرون) في أول ركعة، وثاني ركعة الفاتحة و(قل هو الله أحد). ثم تدعو الله بهذا الدعاء المنصوص عليه في السنة النبوية: "اللهم إني أستخيرك بعلمك" (يعني بطلب منك تختار لي لأنك أعلم مني) "وأستقدرك بقدرتك" (بدخل في قدرتك يا رب وبتبرأ من قدرتي أنا) "وأسألك من فضلك العظيم فإنك تقدر ولا أقدر وتعلم ولا أعلم وأنت علام الغيوب". والله لو كنت تعلم إن الأمر ده (وتسمي حاجتك.. جوازي من فلانة، نقل من الوظيفة) خير لي في ديني ومعاشي وعاقبة أمري فاقدره لي ويسره لي ثم بارك لي فيه. وإن كنت تعلم إن الأمر ده شر لي فاصرفه عني واصرفني عنه! والاتنين مهمين، لأن كتير جداً واحد يكون مثلاً بيحب واحدة وعايز يتجوزها وما يستخيرش، أو يستخير فربنا يصرفها هي عنه لكن ما يصرفوش هو عنها فيعيش بقى في التعب والويل والعذاب، ليه؟ لأنه لم يصرف قلبه عنها. فبيدعو الله عز وجل أولاً: اصرفها عني واصرفني أنا عنها عشان ماتعذبش. واقدر لي الخير حيث كان، إنت عارف بقى الخير فين في الدنيا هاتهولي ويسرهولي. الدعاء ده مليان كنوز، إنت تتجرد تماماً من مشاعرك.. خير وربنا جابه الحمد لله، شر وربنا صرفه برضه الحمد لله. مش ربنا يصرف عنك الشيء وتقعد تزعل وتحزن تبكي! زي بنت كانت مخطوبة لابن خالتها وبتحبه وحصل مشاكل وبعدوا، حاولت تنتحر ومصيبة كبيرة. طب ما يمكن هو شر ليكي وماتنفعوش مع بعض، يمكن يقتلك في الآخر أو تقتليه مش عرفك؟ ارض باللي ربنا قدره.


من الاخر كده "الخيرة دائمًا فيما اختاره الله، والرضا بالمنع أحياناً يكون هو أعظم عطاء وأكبر نجاة."




كام مره خططت وحسبتها وفي الآخر لبست في حيطة؟

المذيع عمرو عبدالجليل بيسأل اخوه الشيخ ايمن وبيقول له في حد بقى فاهم إن هو عارف كل حاجة وفاهم أي حاجة والناس بتيجي تستشيره في أشياء فيرد عليهم من خبرته، يعني في الموقف الفلاني يعمل كده والموقف الفلاني يعمل كده، وفجأة يلاقي نفسه بين نارين في موقف معين مش عارف يعمل إيه ومش لاقي حد يسأله، فيضطر بقى إيه إن هو يلجأ لله ويستخير ربنا، نعم فممكن تكلمنا عن الاستخارة يا شيخ أيمن؟


= : الشيخ أيمن عبدالجليل: تمام بإذن الله تعالى. الحمد لله والصلاة والسلام على رسول الله صلى الله عليه وسلم. الاستخارة من أكبر النعم اللي ربنا أنعم بها على الأمة الإسلامية، نعمة عظيمة جداً جداً لا يعلم قدرها إلا الله سبحانه وتعالى، آه والله محدش يتخيل النعمة دي قد إيه! والرسول صلى الله عليه وسلم كان بيعلم الصحابة الاستخارة في الأمور كلها، أي أمر، أي موضوع، أي حد عايز يعمل أي حاجة يستخير الله. إيه معنى كلمة يستخير؟ يطلب من الله عز وجل أن يختار له. ليه؟ لأن إنت علمك ضعيف أو علمك تقريباً ضئيل جداً لا شيء بالنسبة لعلم الله عز وجل ولا شيء مطلقاً تماماً. وبعدين أهم ما في الموضوع مهما علمك زاد ولا قل أو كثر، في النهاية ماتعلمش الغيب. ربنا سبحانه وتعالى علمه محيط من الأول للآخر بكل شيء ويعلم الغيب سبحانه وتعالى. فالإنسان إذا هم بأي أمر بزواج، بطلاق، هيشتري عربية، هينقل من بيته، يغير وظيفته، أي شيء مهم في حياته عايز يعمله لابد يستخير الله. ودي نعمة إن ربنا سبحانه وتعالى قال لك خيرني وأنا أختار لك. مين يلاقي حاجة زي كده! إنت النهاردة عشان تشتري حتة أرض كويسة في مكان كويس بتجيب ناس تستشيرها، أعمل دي أخد دي ولا دي؟ ده يقولك لا الأرض دي كويسة دي الرطوبة مش عارفة إيه دي البرودة إيه، وممكن ناس تضللك أو علمها يكون قاصر وفي الآخر تاخد الأرض بناء على استشارتهم ويطلع فيها غلطة محدش فيهم يعلمها. لكن ربنا سبحانه وتعالى مستحيل يكون عنده غلط أو خطأ أبداً. فربنا بيختار لك أفضل شيء في الكون كله ليك، ودي منحة ربنا وهبها لك ببلاش.. استخير الله عز وجل يختار لك.


الخلاصه : "من توكل على الله كفاه، ومن فوّض أمره لمن بيده ملكوت كل شيء.. فلن يندم أبداً."